2024-cü il Paralimpiya Oyunlarına üç Azərbaycan idmançısı gedəcək

Azərbaycan Taekvondo Federasiyasına Ümumdünya Taekvondo Təşkilatından rəsmi məktub daxil olub. Xəbər verilir ki, reytinq cədvəlinin nəticələrinə əsasən, K-44 kateqoriyasında Sabir Zeynalov (58 kq), İmaməddin Xəlilov (70 kq) və Əbülfəz Abuzərli (80 kq) Paris 2024 Yay Paralimpiya Oyunlarında iştirak etmək hüququ qazanıblar.

Qeyd olunur ki, hər üç para-taekvondoçu qarşıdakı yarışlarda əldə etdikləri nəticələrdən asılı olmayaraq rəsmi olaraq ilk altılığa düşəcək.

Paris 2024 Yay Paralimpiya Oyunları avqustun 28-dən sentyabrın 8-dək Fransanın paytaxtında keçiriləcək.