2024-cü ilin dövlət büdcəsinin ilkin göstəriciləri açıqlanıb

Ölkənin Maliyyə Nazirliyinin hazırladığı “2024-cü ilin dövlət və icmal büdcələrinin ilkin göstəriciləri ilə bağlı bəyanat”da Azərbaycanın 2024-cü il üçün gəlirlərinin proqnozu 33,7 milyard manat təşkil edəcək. Sənədə əsasən, dövlət büdcəsinə vergi daxilolmalarının 17,9 milyard manat, qeyri-vergi daxilolmalarının isə 16 milyard manatdan çox olacağı gözlənilir.

Azərbaycanın dövlət borcu 2023-cü ilin sonunda 26,8 milyard manat təşkil edəcək. 2024-cü ilin sonunda onun həcmi 27,6 milyard manatadək artacaq. Bundan başqa, Azərbaycanın icmal və dövlət büdcəsi layihələrində neftin qiyməti 60 dollar/barel olacaq.