ADA Universitetində kitab sərgisi keçirilib

ADA Universitetində ulu öndər Heydər Əliyevin 100 illik yubileyi çərçivəsində “Fədakarlıq, Liderlik və İlham dolu əsrin təntənəsi” adlı kitab sərgisi və elmi konfrans keçirilib. Üç gün ərzində keçirilən tədbirdə tanınmış yazıçılar, ədəbiyyat xadimləri, nəşriyyatların, kitabxanaların, elm və mədəniyyət ocaqlarının nümayəndələri iştirak ediblər.

Layihə proqramına Kənan Hacı, Elçin Əzimli, Günel Əsgərova, Ramil Əhmədov, İnqilab Şahbazov və Yunis Orucov kimi yazıçı və tədqiqatçıların seminarları və kitablarının təqdimatları, ədəbi və elm aləminin nümayəndələri ilə məruzə və müzakirələr daxil edilib.