Adil Kərimli Xalq artisti Tofiq Ağababayevi təltif edib

Azərbaycanın mədəniyyət naziri Adil Kərimli 95 yaşı tamam olan xalq artisti Tofiq Ağababayevlə görüşüb. Tofiq Ağababayev monumental-dekorativ sənət, qrafika və rəngkarlıq sahəsində müəllifdir. Azərbaycan mədəniyyətinin inkişafında və təbliğində müstəsna xidmətlərinə görə xalq artisti nazirliyin diplomu ilə təltif edilib.

Fırça ustası ilə görüşdə Azərbaycan Rəssamlar İttifaqının sədri, xalq rəssamı Fərhad Xəlilov, o cümlədən mədəniyyət xadimləri, nazirliyin əməkdaşları iştirak ediblər. Tofiq Ağababayev göstərilən diqqətə görə minnətdarlığını bildirib.