Anqolada tar çalmaq üzrə ustad dərsləri keçirilib

Azərbaycan-Nigeriya Dostluq Cəmiyyətinin rəhbəri Billura Bayramova-Bernard Azərbaycan musiqisinin dünyada tanıdılmasına yönəlmiş “Birləşmiş səslər” xeyriyyə layihəsinin Luandada (Anqola) həyata keçirilməsi barədə məlumat verib. Belə ki, layihə çərçivəsində Azərbaycanın Əməkdar Artisti, Beynəlxalq Muğam Mərkəzinin direktoru, tarzən Sahib Paşazadənin rəhbərliyi ilə Camunqa adına Musiqi Məktəbinin simfonik orkestri və BDU-nun tələbələri ilə beş günlük ustad dərsləri keçirilib. İncəsənət və Mədəniyyət Fondu.

Ustad dərsləri zamanı iştirakçılara Azərbaycan musiqisinin tarixi və adət-ənənələri təqdim olunub, həmçinin UNESCO-nun qeyri-maddi mədəni irsin şah əsərləri siyahısına daxil edilmiş muğam və tar ifaçılığı sənətinin xüsusiyyətləri barədə məlumat verilib.