Azərbaycan boksçuları MDB Oyunlarından 10 medal gətirdilər

Azərbaycan Boks Federasiyasından verilən məlumata görə, MDB ölkələrinin II Oyunlarının Minskdə keçirilən yarışlarının yekunlarına əsasən, Azərbaycan boksçuları ölkəyə 10 medal gətirib. Azərbaycan millisi komanda hesabında beşinci yeri tutub. İdmançılarımızı təbrik edirik!

Yığma komandanın heyətində gümüş medalların sahibləri: Aynur Mikayılova (54 kq), Maqomedali Qasımzadə (60 kq), Ziya Həsənov (71 kq) və Fərhad Şeydayev (75 kq).

Respublikaya bürünc medalı Ömər Aslanlı (54 kq), Aslan Quliyev (63,5 kq), Lalə Mədətova (48 kq), Aysu İsmayılova (50 kq), Nərmin Əlizadə (52 kq) və Qızbəs İsgəndər (60 kq) gətiriblər.