Azərbaycan boksçuları medal qazanıblar

Monteneqronun Budva şəhərində başa çatan boks üzrə Avropa kubokunda Azərbaycan idmançıları eyni vaxtda 5 medal qazanıblar. Komandamızın aktivində gümüş və 4 bürünc var. 63,5 kq çəki dərəcəsində Malik Həsənov finalda zədə səbəbindən uduzaraq ikinci olub. Bürünc medalları Tural Sarıyev, Tayfur Əliyev, Sərxan Əliyev və Mirşərif Kazımzadə qazanıb.

Monteneqroda keçirilən yarışlarda ümumilikdə 29 ölkədən 156 boksçu iştirak edib. Azərbaycanlılar 48 kq, 60 kq, 71 kq və 75 kq çəki dərəcələrində bürünc medal qazanıblar.