Azərbaycan Dünya Kubokunun şərəfinə poçt markası buraxıb

Bakıda şahmat üzrə Dünya Kubokunun keçirilməsi ilə əlaqədar Azərbaycan Rəqəmsal İnkişaf və Nəqliyyat Nazirliyinin “Azərpoçt” MMC yeni poçt markasının buraxılması barədə məlumat yayıb. Yeni markalar blok formasında 4000 nüsxə tirajla hazırlanıb və artıq dövriyyəyə buraxılıb.

Yeni nüsxələri “Azərpoçt”un İdarə Heyətinin sədri Əfqan Cəlilov və Azərbaycan Şahmat Federasiyasının prezidenti, Beynəlxalq Şahmat Federasiyasının vitse-prezidenti Mahir Məmmədov möhürləmişlər. İyulun 30-da şahmat üzrə Dünya Kuboku start götürüb, bu, 2015-ci ildən sonra Bakıda təşkil olunan ikinci beynəlxalq şahmat yarışıdır.