Azərbaycan gimnastları üçün yeni qızıl

Azərbaycan Gimnastika Federasiyası Varşavada keçirilən “Wars and Sawa Cup” Beynəlxalq turnirində akrobatika gimnastikası üzrə milli komanda üzvlərinin qələbəsini elan edib. Ağasif Rəhimov və Raziyə Seyidli qarışıq cütlükdə, qadınlardan ibarət qrupda yeniyetmə yaş kateqoriyasında Nəzrin Zeyniyeva, Zəhra Rəşidova və Anahita Bəşiri, kişi cütlüyündə Daniel Abbasov və Murad Rəfiyev qızıl medal qazanıblar.

Sentyabrın 7-dən 11-dək Polşanın paytaxtında “Wars and Sawa Cup” beynəlxalq turniri keçirilib.

Gənc akrobatlarımıza növbəti qələbələr arzulayırıq!