Azərbaycan üçün daha bir nəticəsiz görüş Brüsseldə keçirilib

Brüsseldə Ermənistan və Azərbaycan liderlərinin növbəti görüşü keçirilib. Amma həmişə olduğu kimi, bu platformada sülhün yaxınlaşması üçün real addımlar atılmadı.

Mediada bu danışıqları Vaşinqton görüşünün davamı adlandırırlar. O vaxt olduğu kimi, bu dəfə də heç bir sıçrayışlı qərar qəbul edilmədi. Bir sözlə, Nikol Paşinyan ölkəmizin ərazi bütövlüyünə hörməti bir daha təsdiqlədi və Çarlz Mişel görüşdə əldə olunan razılığın sıx təmasların davam etdirilməsi üçün vacibliyini qeyd etdi. Əslində isə Qərb ölkələrinin nümayəndələri öz bəyanatları və öz ərazilərində görüşlər təşkil etmələri ilə Cənubi Qafqazdakı vəziyyəti daha da gərginləşdirirlər ki, nəticədə biz sülh müqaviləsinə deyil, tam hüquqlu regional qaynar nöqtəyə gələk.

Məhz, məsələn, Fransa Senatının spikeri Jerar Larşe erməni həmkarı Alen Simonyanla görüşdən sonra Parisdən Ermənistanın təhlükəsizliyini təmin etmək üçün ona müdafiə silahlarının çatdırılmasını sürətləndirməyi tələb edib. Bu yerdə qeyd etmək lazımdır ki, mayın ortalarında mətbuat diplomatik mənbələrə istinadən Fransanın Ermənistana silah tədarük etməyə başladığı barədə xəbər yaymışdı. Avropa İttifaqı sülh müqaviləsinin imzalanması kursunu tam dəstəklədiyini bəyan edir, əslində isə Aİ-yə üzv olan dövlətlərdən biri açıq şəkildə silah verməklə münaqişənin genişlənməsinə təkan verir. Bu arada Avropanın 470-dən çox ictimai təşkilatı və birliyi Avropa İttifaqı və Avropa Şurası rəhbərliyinə məktub göndərərək Qarabağın guya “blokada”sına son qoyulması üçün təcili addımların atılmasına çağırıb.