Azərbaycan yenidən bədii gimnastika üzrə dünya çempionatına ev sahibliyi edəcək

Azərbaycan Gimnastika Federasiyası 2027-ci ildə Bakının üçüncü dəfə bədii gimnastika üzrə dünya çempionatına ev sahibliyi edəcəyini bildirib. Çempionat üçün 15-19 sentyabr tarixlərinin seçildiyi bildirilir.

Türkiyənin Antalya şəhərində Beynəlxalq Gimnastika Federasiyası Şurasının iclası çərçivəsində 2027-ci il dünya çempionatının keçiriləcəyi yerin seçilməsi ilə bağlı səsvermə keçirilib. Azərbaycanın rəqibi İsrail olub.

Bundan əvvəl Azərbaycan 2005 və 2019-cu illərdə bədii gimnastika üzrə dünya çempionatlarına ev sahibliyi edib.