Azərbaycanda ərzaq idxalı artıb

Dövlət Gömrük Komitəsi Azərbaycana ərzaq məhsullarının idxalının artması ilə bağlı məlumat yayıb. Ötən illə müqayisədə 2023-cü ilin yanvar-iyul ayları ərzində idxal 3,4% artıb. Bu il Azərbaycanın ümumi idxalında ərzaq məhsullarının payı 12,88 faiz təşkil edir.

Məlumata görə, buğda idxalı 578 min tona yüksəlib – 2022-ci ilin eyni dövrü ilə müqayisədə 34,5% artım; qarğıdalı idxalı 63,15 min tona qədər – 59% artım; düyü 39 min tona – artım 5,7%; meyvə-tərəvəz 198,2 min tona qədər – artım 14,5%; ət 24,28 min tona – 3,1% artıb. Bu il çay idxalı 14,3% azalaraq 7,22 min tona, kərə yağı idxalı isə 19% azalaraq 9,75 min tona düşüb.