Azərbaycanda hava şarları festivalı keçiriləcək

İyunun 17 və 18-də Şamaxıda ilk dəfə olaraq Balloon Festival-ı keçiriləcək. Uçuşlar əsasən Meysəri və Xınıslı kəndləri üzərində müxtəlif dizaynlı on hava şarında həyata keçiriləcək. Bu il yalnız təşkilatçılar tərəfindən dəvət olunmuş qonaqlar iştirak edə biləcəklər.

Nümayiş uçuşlar iyunun 17-də saat 17:00-dan 20:00-dək həyata keçiriləcək. İyunun 18-də Şamaxının tarixi və mənzərəli yerlərindən keçəcək marşrut üzrə qonaqlarla reyslər həyata keçiriləcək. Dövlətin dəstəyi ilə təşkilatçılar festivalı ənənəyə çevirməyi planlaşdırırlar.