Azərbaycanda ilk böyük oyun tədbiri keçiriləcək

İyunun 11-də Bakı İdman Sarayında dünyanın hər yerindən oyunçuları və kosplayerləri bir araya gətirəcək GameSummit keçiriləcək. Tədbir çərçivəsində müxtəlif oyunlar üzrə çempionatlar, o cümlədən yarış və digər simulyatorlar, həmçinin oyun tərtibatçıları ilə tanışlıq və ünsiyyət nəzərdə tutulub.

GameSummit iştirakçıları müasir oyun noutbukları və fərdi kompüterlərlə təmin olunacaqlar. Ziyarətçilər istənilən çempionatda pulsuz iştirak edə və tədbirdə təqdim olunan istənilən oyunu sınaya biləcəklər. VR rejimli müasir oyunlarla yanaşı, retrogaming və stolüstü oyunlar üzrə çempionatlar təşkil olunacaq.

Bundan əlavə, Game Summit-də Cosplay müsabiqəsi keçiriləcək, burada iştirakçılar Oyunlar, komikslər, anime və digər Geek mədəniyyət istiqamətləri mövzusunda ən yaxşı geyimlərini nümayiş etdirə biləcəklər.