Azərbaycanda Məhərrəm ayı tarixləri

Qafqaz Müsəlmanları İdarəsindən verilən məlumata görə, Məhərrəm ayı bu il iyulun 19-da başlayacaq. Bu gündə Hicri-qəməri təqvimi ilə 1444-cü il bitəcək, 1445-ci il başlayacaq. Məhərrəm ayının onuncu günü olan Aşura iyulun 28-nə təsadüf edir. Məhərrəm ayı avqustun 17-də, Səfər ayı isə avqustun 18-də başlayacaq və sentyabrın 16-dək davam edəcək.

İmam Hüseynin (ə) şəhid olduğu Məhərrəm ayının hüzn və matəm içində keçirilməsi tövsiyə olunur və Aşura günündə ölkədə ənənəvi olaraq qanvermə mərasimləri keçirilir. Həmçinin Məhərrəm ayının başlanmasından 40 gün ərzində Azərbaycanda toy şənliklərinin keçirilməməsi adəti var.