Azərbaycanda pensiya 500 manatı keçəcək

Azərbaycan Əmək və Əhalinin Sosial Müdafiəsi Nazirliyi yaşa görə orta aylıq pensiyanın artmaqda davam edəcəyini və sonda 500 manatı keçəcəyini bildirib. Son 5 ildə həyata keçirilən 4 sosial islahatlar paketi sayəsində bu gün bu rəqəm 465 manatdır.

Son illər həyata keçirilən sosial islahatlar ölkəmizin 4 milyondan çox vətəndaşını əhatə edib. 2018-ci ildən minimum əmək haqqı 2,7 dəfə, minimum pensiya 2,5 dəfə, orta aylıq əmək haqqı isə 65 faiz artıb.