Azərbaycanda qətl hadisələri azalıb

Azərbaycanda 2023-cü ilin birinci yarısında qeydə alınan qəsdən adam öldürmələrin sayı 2022-ci ilin eyni dövrü ilə müqayisədə 20 faiz azalıb. Bunu Baş prokurorun müavini – hərbi prokuror, ədliyyə general-leytenantı Xanlar Vəliyev geniş tərkibdə həmkarları ilə görüşündə deyib.

Onun sözlərinə görə, bu il adam öldürməyə cəhdlərin sayı 66,7%, intihara cəhdlər isə 75% azalıb. General-leytenant qeyd edib ki, cinayət hadisələrinin, o cümlədən bu qəbildən olan cinayətlərin qarşısının alınması istiqamətində hərbi prokurorluq orqanlarının fəaliyyəti davam etdirilir.