Azərbaycanda “Salam” Beynəlxalq Gənclər Filmləri Festivalının ikinci buraxılışı keçiriləcək

28-31 avqust tarixlərində Zirə Mədəniyyət Mərkəzində “Salam” Beynəlxalq Gənclər Filmləri Festivalı ikinci dəfə keçiriləcək. Festivalı Azərbaycan Mədəniyyət Nazirliyinin dəstəyi ilə “Nərimanfilm” kinostudiyası təşkil edəcək. İkinci dəfə keçiriləcək kinofestivalda Azərbaycandan və xarici ölkələrdən 400-ə yaxın yeniyetmənin iştirakı gözlənilir.

«Salam» Film Festivalının ilk buraxılışı 2019-cu ildə böyük uğurla keçirildi. Tədbirdə 11 ölkədən (Azərbaycan, Almaniya, İtaliya, Şimali Makedoniya, Gürcüstan, Rusiya, Ukrayna, Türkiyə, Xorvatiya, Hindistan, Pakistan) 300-ə yaxın yeniyetmə iştirak edib.