Azərbaycanda tibbi yeniliklər

Paytaxtın Ekspo Mərkəzində III Azərbaycan Beynəlxalq Tibbi İnnovasiyalar Medinex-2023 sərgisi keçirilib. Burada Azərbaycan, Almaniya, Belarus, Cənubi Koreya, Çin, Əlcəzair, Rusiya, Fransa, Qazaxıstan, Qətər, Misir və Türkiyə daxil olmaqla 14 ölkədən 100 şirkət iştirak edib. Yerli şirkətlər arasında Diamed Co., Arash Medical Company, Labservis LTD, IHG (International Health Group), Biopharmax AFEZCO var idi.

Tədbir istehsalçılar, distribyutorlar və sənaye mütəxəssisləri ilə işgüzar tərəfdaşlıq əlaqələrini inkişaf etdirmək və sənaye mütəxəssisləri və sahibkarlar arasında yeni əlaqələr yaratmaq, müvafiq məlumat mübadiləsi və müqavilələr bağlamaq məqsədilə təşkil olunub.