Azərbaycanda yeni ekoloji dövlət standartı qəbul edilib

Azərbaycan Standartlaşdırma İnstitutu AZS 636-2012 “Avtomobil nəqliyyatı. Ekoloji siniflər” dövlət standartını əvəz etmək üçün AZS 636:2023 “Yol nəqliyyat vasitələri. Ekoloji siniflər” yeni dövlət standartını qəbul etmişdir. Standartın layihəsi rəy və təkliflər nəzərə alınmaqla standartlaşdırma üzrə texniki komitədə müzakirə edilib və konsensusla qəbul edilib.

Yeni dövlət standartı ölkədə dövriyyədə olan avtonəqliyyat vasitələrindən havaya zərərli maddələrin atılmasına dair tələbləri formalaşdırmaq, ətraf mühitə və insan sağlamlığına dəyən ziyanı minimuma endirmək məqsədi daşıyır. Bundan əlavə, yeni standart ekoloji cəhətdən təmiz nəqliyyat vasitələrinin və digər yaşıl texnologiyaların istifadəsini genişləndirəcək.