Azərbaycanda “Zəfər” festivalı keçirilir

Noyabrın 8-dək Azərbaycanda “Zəfər” musiqi və teatr festivalı keçirilir. Noyabrın 8-də qeyd olunan 44 günlük Vətən Müharibəsində Qələbə Gününə həsr olunub. Tədbirdə bədii kollektivlərin və solistlərin iştirakı ilə mədəni proqramlar, tamaşalar, muğam gecəsi, Azərbaycan bəstəkarlarının simfonik əsərlərindən və vokal-xor nömrələrindən ibarət konsert nəzərdə tutulub.

Festivalla bağlı Bakıda, Gəncə və Sumqayıt şəhərlərinin, İsmayıllı, Biləsuvar, Sabirabad və Xaçmaz rayonlarının mədəniyyət müəssisələrində tədbirlər keçirilir.

Festivalın təşkilatçısı Azərbaycan Mədəniyyət Nazirliyidir.