Azərbaycanı Avropa yarışlarında kim təmsil edəcək?

Avrokuboklara vəsiqə iddiasında olan Azərbaycan klubları üçün ötən həftənin sonu həlledici olub. Premyer Liqanın 36-cı turunun nəticələrinə əsasən, Ağdamın “Qarabağ” klubu Çempionlar Liqasının, “Sabah”, “Neftçi” və “Qəbələ” klubları isə Konfrans Liqasına vəsiqə qazanacaq.

“Qarabağ”ın yolunu müəyyən edən Çempionlar Liqasının 1-ci təsnifat mərhələsinin püşkatma mərasimi iyunun 20-də keçiriləcək.

Komandalarımızın Konfrans Liqasındakı rəqibləri də püşkatma ilə müəyyənləşəcək. “Sabah” klubu üçün turnirdə qarşıdakı çıxışlarına görə – Avropa yarışlarında debüt iyunun 21-də baş tutacaq.

Futbolçularımıza uğurlar arzulayırıq!