Azərbaycanın parataekvondoçusu dünya çempionu olub

Azərbaycan Taekvondo Federasiyasından verilən məlumata görə, Meksikanın Verakruz şəhərində keçirilən dünya çempionatında Azərbaycan para-taekvondoçusu İmaməddin Xəlilov (K-44) 70 kq çəki dərəcəsində qızıl medal qazanıb. Azərbaycan təmsilçisi finalda Özbəkistan idmançısına 5:2 hesabı ilə qalib gəlib.

İmaməddin ilk döyüşündə ispaniyalı Avropa çempionunu 7:3 hesabı ilə məğlub edib. Azərbaycan idmançısı 1/4 finalda Gürcüstan təmsilçisi ilə qarşılaşıb və 16:2 hesabı ilə inamlı qələbə qazanıb. Yarımfinalda Xəlilov kubalı ilə gərgin mübarizə aparıb və bu görüşdə Azərbaycan idmançısı 12:9 hesabı ilə qalib gəlib.