Azərbaycanlı qrossmeyster dünyanın ən yaxşı 100 şahmatçısı arasında rekordçu olub

Bakıda keçirilən şahmat üzrə Dünya Kubokunda uğurlu çıxışından sonra azərbaycanlı qrossmeyster Nicat Abasov hazırkı dünya reytinqində dərhal 30 pillə yüksəlib. Bu, dünyanın top 100-lüyünə daxil olan şahmatçılar arasında rekorddu. Turnirdən əvvəl dünya reytinqində 97-ci olan şahmatçı hazırda 67-ci pillədə qərarlaşıb.

Dünya çempionatı zamanı Nicat Abasov Loran Fressine (Fransa), Aniş Giri (Hollandiya), Peter Svidler (Rusiya) və Santoş Vidit (Hindistan) kimi nüfuzlu rəqiblərini məğlub edib.

Hazırda dünya reytinqində ilk 3-lükdə olan oyunçular aşağıdakılardır:

1. Maqnus Karlsen (Norveç, 2842,8);

2. Fabiano Karuana (ABŞ, 2792,4);

3. Hikaru Nakamura (ABŞ, 2780).