Bakı şahmat üzrə Dünya Kubokunu keçirməyə hazırlaşır

İyulun 30-dan avqustun 25-dək Azərbaycanın paytaxtı tarixdə ikinci dəfə şahmat üzrə Dünya Kubokuna ev sahibliyi edəcək. Bu həftə Beynəlxalq Şahmat Federasiyası 206 idmançının yer aldığı turnirin iştirakçılarının siyahısını və ilk turun püşkatma mərasimini açıqlayıb. Müsabiqənin mükafat fondu 2,5 milyon dollardır.

Turnirdə dünya reytinqinin lideri norveçli Maqnus Karlsen iştirak edəcək. Dünya Kuboku hazırda əfsanəvi qrossmeysterin hələ də qələbə qazanmadığı yeganə rəsmi şahmat turniridir.

Turnirdə ölkəmizi reytinqdə ən güclülər Şəhriyar Məmmədyarov, Teymur Rəcəbov və Günay Məmmədzadə, eləcə də şöhrət qazanan idmançılar Rauf Məmmədov, Qədir Hüseynov, Nicat Abasov və Vasif Durarbəyli təmsil edəcəklər.