Bakıda Azerbaijan Fashion Week keçirilib

Azərbaycanın paytaxtında Daş Salnamə Muzeyində azərbaycanlı və xarici dizaynerlərin iştirakı ilə keçirilən rəsmi moda həftəsinin 14-cü mövsümü başa çatıb. Əməkdar incəsənət xadimi Gülnarə Xəlilova, Naz Maer, Aleksey Çjen, Lariya və başqaları öz kolleksiyalarını nümayiş etdiriblər.

14-cü mövsüm çərçivəsində panel müzakirələri, mühazirələr və yeni kolleksiyaların nümayişi ilə ustad dərsləri keçirilib. İxtisaslaşdırılmış universitetlərin məzunları və dizayner olmaq istəyənlər yerli və xarici kutyurelər, eləcə də sosial medianın təbliği üzrə mütəxəssislərlə şəxsən görüşə bildilər.

Tədbirdə əsas proqramla yanaşı, butik sahiblərinə dizaynerlərlə birbaşa ünsiyyət qurmaq və yeni mövsüm haqqında məlumat əldə etmək imkanı verən ənənəvi Showroom Azerbaijan Fashion Week də keçirilib.

Azerbaijan Fashion week ildə iki dəfə – may və noyabr aylarında keçirilir. Tədbirin məqsədi Azərbaycanda artan moda sənayesini populyarlaşdırmaq və istedadlı azərbaycanlı dizaynerlərin işlərini nümayiş etdirməkdir.