Bakıda beynəlxalq idman yarışları keçirilib

Bakıda Heydər Əliyev adına Hərbi İnstitutunda keçirilən beynəlxalq idman yarışlarında Azərbaycan, Türkiyə və Gürcüstanın hərbi təhsil müəssisələrinin kursantları iştirak ediblər. Milli komandaların tərkibində 80 hərbi qulluqçu üzgüçülük və atletika, həmçinin futbol və voleybol idman növləri üzrə mübarizə aparıb.

Yarışın bağlanış mərasimində üç ölkənin dövlət himnləri səsləndirilib, ümummilli lider Heydər Əliyevin və Azərbaycanın ərazi bütövlüyü uğrunda şəhid olan əsgərlərin xatirəsi bir dəqiqəlik sükutla yad edilib. Yarışın qaliblərinə diplom, kubok və medallar təqdim olunub.