Bakıda beynəlxalq qısametrajlı filmlər festivalı keçirilir

Bakıda, Nizami Kino Mərkəzində XIV Bakı Beynəlxalq Qısa Filmlər Festivalının açılışı olub. Mədəniyyət Nazirliyi və AR Kino Agentliyi tədbirin rəsmi tərəfdaşıdır. Mükafatlandırma mərasimi noyabrın 15-nə planlaşdırılıb.

Festivalda iştirak etmək üçün 78 ölkədən 704 filmin yaradıcısı müraciət edib. Komissiya beynəlxalq müsabiqə proqramı üçün 42, yerli müsabiqə üçün isə 25 əsəri seçib və “Asiya istedadları” nominasiyası üzrə 17 film təqdim edilib. Azərbaycan və xarici kino xadimlərinin əsərləri “Qızıl Nar” festivalı mükafatı uğrunda yarışacaq.