Bakıda cinayət statistikası

Bakı şəhər Baş Polis İdarəsi 2023-cü ildə paytaxtda 15 759 cinayət törətdiyini bildirib. Bunlardan 82,8%-i az ağır, 17,2%-i ağır və xüsusilə ağır kateqoriyalara aiddir. 2022-ci illə müqayisədə ehtiyatsızlıqdan qətllərin sayı iki dəfə, az ağır cinayətlər 5,7 faiz, quldurluq hadisələri 27,5 faiz azalıb. Başlanmış cinayət işləri üzrə vətəndaşlara dəymiş maddi ziyanın 33 milyon 748 min 928 manatı (76,6%) ödənilib.

2023-cü ildə polis əməkdaşları tərəfindən 49 quldurluq hadisəsi törətmiş 103 nəfərdən ibarət 42 cinayətkar qrup, habelə 56 oğurluqda şübhəli bilinən 26 cinayətkar qrup müəyyən edilib. 167 odlu silah, 65 qumbara, 3834 döyüş sursatı toplanıb, qanunsuz gəzdirilmiş və saxlanılan 78 odlu silah götürülüb.