Bakıda “Guilty Pleasure” sərgisi keçirilir

Sentyabrın 3-dək İçərişəhərdəki ARTIM Layihə Məkanında “Guilty Pleasure“ qrup sərgisi açıqdır. Ekspozisiyada gənc azərbaycanlı rəssamların – Ağaəli Sədirli və Nailə Dadaşzadənin, Mələk Bayramlının, Ağababa Bağırovun, Nihad J., Tamerlan Xəlilovun, Tamilla Məmmədovanın, Nigar Səmədzadənin, Nərmin Zeynallının, “Kobranın ölüm rəqsi”nin yaradıcı duetinin əsərləri təqdim olunur.

Sərgi iştirakçıları öz işlərini müxtəlif texnikalarda – illüstrasiyalar, videolar, instalyasiyalar, fotoşəkillər üzrə ifa ediblər. Məsələn, Ağaəli Sədirli və Nailə Dadaşzadə “İnfinity Date” multimedia instalyasiyasını və “Nəfsi- Memories” adlı toy fotosessiyası mövzusunda layihə hazırlayıblar. Mələk Bayramlının yaradılması isə videoinstalyasiya və divar kağızlarından ibarətdir.