Bakıda keçirilən Beynəlxalq Astronavtika Konqresi başa çatıb

Azərbaycanın paytaxtında 74-cü Beynəlxalq Astronavtika Konqresi (IAC-2023) başa çatıb. Tədbir çərçivəsində SpaceX və Tesla şirkətlərinin rəhbəri İlon Mask da daxil olmaqla, tanınmış qonaqların çıxış etdiyi 190 sessiya və digər tədbirlər keçirilib. Həmçinin, səkkiz min kvadratmetr sahəsi olan sərgi pavilyonunda sərgi təşkil olunub və burada 36 ölkədən 150 şirkətin stendləri nümayiş etdirilib.

Forumda çıxış edən Azərbaycan Prezidenti İlham Əliyev qeyd edib ki, ölkəmiz 10 ildən artıqdır ki, beynəlxalq kosmik klubun üzvüdür. Bu gün Azərbaycan iki telekommunikasiya peyki və Yer səthinin müşahidəsi üçün bir peykə malikdir və bu sahənin inkişafını fəal şəkildə davam etdirir.