Bakıda keçirilən dünya çempionatı başa çatıb

Azərbaycanın paytaxtında keçirilən taekvondo üzrə 26-cı dünya çempionatı başa çatıb. Yarışın bağlanış mərasimi çərçivəsində ölkəmizin yığma komandası Dünya Taekvondo Federasiyası tərəfindən “Ən yaxşı döyüş ruhu” nominasiyası üzrə mükafatlandırılıb. Dünya Kubokunun bayrağı 2025-ci ildə dünya çempionatına ev sahibliyi edəcək Çin Taekvondo Federasiyasına təhvil verilib.

Bakıda keçirilən dünya çempionatı ulu öndər Heydər Əliyevin anadan olmasının 100 illiyinə və Dünya Taekvondo Federasiyasının yaradılmasının 50 illiyinə həsr olunub.

Yarışda 145 ölkədən 1000-ə yaxın idmançı iştirak edib.