Bakıda “Otellonu dəyişmək” tamaşasının premyerası olmuşdur

Xalq yazıçısı Elçinin yubileyi münasibətilə Rus Dram Teatrının səhnəsində onun ən məşhur əsərlərindən birinin premyerası olub. “Otellonu dəyişmək” tamaşası tam zal toplamışdı, tamaşaçılar ayaq üstə artistləri alqışladılar. Gecənin sonunda Elçin özü səhnəyə çıxaraq unudulmaz yubiley üçün teatrın yaradıcı kollektivinə təşəkkürünü bildirib.

Tamaşanın musiqi tərtibatının müəllifi və rejissoru İlqar Safat olub. Baş rolları xalq artistləri Məbud Məhərrəmov, Lyudmila Duxovnaya, əməkdar artistlər Salman Bayramov, Natavan Hacıyeva, İnna İmranova, aktyorlar Yaroslav Trifonov və Gövhər Şabanova ifa ediblər.