Bakıda Robot Olimpiadası keçirilib

Ötən həftəsonu paytaxtın Milli Gimnastika Arenasında respublikanın 20 rayonundan istedadlı uşaqlar VI Robot Olimpiadasına toplaşıblar. 160 komanda “Robomission”, “Robosport”, “Gələcəyin İnnovatorları” və “Gələcəyin Mühəndisləri” kateqoriyaları üzrə yarışıb. Qaliblər ölkəmizi noyabrda Panamada keçiriləcək 6-cı Ümumdünya Robot Olimpiadasında təmsil edəcəklər.

Genişmiqyaslı tədbir Gənclər və İdman Nazirliyi, Elm və Təhsil Nazirliyi, Rəqəmsal İnkişaf və Nəqliyyat Nazirliyi, Ümumdünya Robot Olimpiadası və Azərbaycan Robototexnika Akademiyasının (AREA) təşkilatçılığı ilə keçirilir.