Bakıda “Sevgi rəngləri” defilesi keçirilib

Modelyer, Azərbaycan Dövlət Mədəniyyət və İncəsənət Universitetinin dosenti, Beynəlxalq Elmlər Akademiyasının akademiki, Əməkdar İncəsənət Xadimi Fəxriyyə Xələfova 61 saylı Atelierdə Sevgi Rəngləri yeni kolleksiyasını təqdim edib. Defilənin konsert proqramında Rəsul Əfəndiyev, Əbdül Xalid, Əminə Şirin, Ləman Əliyeva və Dj Roşka iştirak ediblər.

Yaz kolleksiyasında təbiətin parlaq rəngləri və insan ruhunun duyğuları, Vətən sevgisi əks olunub. Şounun əsas məqamları ümummilli lider Heydər Əliyevin 100 illik yubileyinə həsr olunmuş videofilm və rəssam Ceyhun Abdullayevin Xurşidbanu Natəvan rolunda Fəxriyyə Xələfovanın portreti olub.