Bakıda velosiped yolları yaranacaq

Azərbaycan Quru Nəqliyyatı Agentliyi (AYNA) paytaxtda velosiped yollarının salınması işlərinə başlandığını açıqlayıb. Birinci mərhələdə onlar şəhərin mərkəzi hissəsində – İstiqlaliyyət, Mirzə Ağa Əliyev, Fikrət Əmirov küçələrində, Azərbaycan və Bülbül prospektlərində, həmçinin Milli Parkın ərazisində görünəcəklər. Zamanla digər küçələrdə də velosiped yolları salınacaq.

Hazırda markalanma işləri aparılır. Daha sonra avtomobillərlə toqquşmanın qarşısını almaq üçün yol nişanları və təhlükəsizlik baryerləri quraşdırılacaq. Agentlik sürücülərdən velosiped yollarından uzaq durmağı xahiş edir.