Bakıda velosiped yoluna işıqfor quraşdırılıb

Velosipedçilərin rahat və təhlükəsiz hərəkəti üçün Bakının Buzovna-Mərdəkan yolunun kənarında 8,2 km uzunluğunda xüsusi zolaq quraşdırılıb. Amma nədənsə işçilər velosiped yolunun düz ortasında hərəkəti çətinləşdirən işıqfor quraşdırıblar.

Bakı Abadlıq Xidmətindən bildirilib ki, bu velosiped yolu tam təchiz olunmayıb və hazırda burada son tamamlama işləri aparılır. Hazırda qurum işıqforun yerini dəyişdirməyi düşünür.