Bakıda yeni təhsil müəssisəsi yaranacaq

Bu həftə məlum olub ki, Azərbaycanın Baş naziri Əli Əsədov Azərbaycan İlahiyyat İnstitutunun nəzdində Bakı İlahiyyat Kollecinin təşkili haqqında sərəncam imzalayıb.

Yeni təhsil müəssisəsinin dövlət qeydiyyatı Azərbaycan Respublikasının Dini Qurumlarla İş üzrə Dövlət Komitəsinə, maliyyələşdirilməsi Azərbaycan Respublikasının Maliyyə Nazirliyinə həvalə edilib. Kollecin fəaliyyəti üçün binanın ayrılması məsələsi Azərbaycan Respublikasının İqtisadiyyat Nazirliyi tərəfindən həll edilir.