Bakıda yoqa festivalı keçirilib

Azərbaycanın paytaxtında “Nine Senses Fest” beynəlxalq mənəvi və fiziki təcrübələr festivalı başa çatıb. Tədbir iştirakçıları müxtəlif yoqa məktəbləri – Kriya, Hatha, Aştanga Vinyasa, Nidra, bədii yoqa ilə tanış olublar. Festivalda həmçinin meditativ və bədən yönümlü təcrübələr, rəqs terapiyası, səslə müalicə, dartma və gimnastika, çiqonq, terapevtik qrup dərsləri, müxtəlif istiqamətlərdə kouçinq, müxtəlif art-terapiya növləri və s. daxildir.

Festival müxtəlif ölkələrdən bu sahənin peşəkarlarını, ilahiyyat məktəblərinin və hərəkatlarının rəhbərlərini bir araya toplayıb. Tədbir Heydər Əliyev Fondunun vitse-prezidenti və “Nine Senses”in təsisçisi Leyla Əliyevanın dəstəyi ilə “Nine Senses” incəsənət mərkəzi və ANSA Academy təhsil platforması tərəfindən təşkil olunub.