Birlikdə sərfəlidir

Regional inteqrasiya iqtisadi artımı stimullaşdırır, ticarətin inkişafına və birliyin iştirakçı ölkələrinin sakinlərinin rifahını yaxşılaşmasına kömək edir. Ona görə də Azərbaycan “Avrasiya beşliyi” ilə daha da yaxınlaşmaq istiqamətində addımlar atır.

Çətin geosiyasi şəraitə baxmayaraq, Avrasiya İqtisadi İttifaqı uğurla inkişaf edir. 2023-cü ilin 9 ayı ərzində beynəlxalq birlikdə sənaye istehsalı 3,5%-dək artıb. Müsbət dinamikanı aqrar məhsulun istehsal həcmi də göstərir: Aİİ əksər kənd təsərrüfatı məhsulları ilə özünü tam təmin edir, buğda istehsalı və ixracı üzrə isə dünyada lider mövqesinə çıxıb. Və bütün bunlar rekord şəkildə yüksək məşğulluq fonunda: Aİİ-ds sentyabrın sonunda işsizlərin sayı 14,2%-dək azalıb.

Aİİ ölkələri – Azərbaycanın əsas ticarət tərəfdaşlarından biridir. Xüsusilə, Bakı və İttifaq arasında ticarət dövriyyəsində böyük payı kənd təsərrüfatı sektoru tutur.

Bu il ölkəmiz Rusiya taxılının – ilk növbədə buğda, qarğıdalı və arpanın alışını kəskin şəkildə artırıb. 10 ay ərzində Şimali Osetiyadan Azərbaycana 1,5 min tondan çox taxıl göndərilib, bu isə keçən ilin həmin dövrü ilə müqayisədə 11 dəfə çoxdur. Bundan əlavə, öz heyvandarlıq məhsullarının istehsalına baxmayaraq, Azərbaycan əvvəlki kimi Aİİ-dan ət və süd məhsullarını fəal şəkildə idxal edir – “Avrasiya beşliyi” ölkələri bizim prioritet tərəfdaşlarımız olaraq qalırlar.

Tədarüklər əks istiqamətdə də artıb. Əgər keçən il Azərbaycan Aİİ ölkələrinə 436,3 milyon dollarlıq təzə meyvə ixrac edirdisə, bu ilin 8 ayı ərzində Azərbaycanın təkcə Rusiyaya ixracı 20 % yaxın artıb və 187 milyon dollar təşkil edib.

Aİİ ölkələri ilə qarşılıqlı ticarəti Azərbaycan üçün çoxdan formalaşmış nəqliyyat marşrutları cəlbedici edir. Bundan əlavə, bazar iştirakçıları logistikanı əlavə olaraq yaxşılaşdırmaq üçün yolları daim axtarırlar.

Ötən ildən ərzaq məhsullarının sürətləndirilmiş çatdırılması üzrə “Aqroexpres” layihəsi çərçivəsində Azərbaycan və Rusiya arasında hər iki istiqamətdə xüsusi təchiz olunmuş konteynerlərlə yük qatarları hərəkət edir. Bu layihə sayəsində Azərbaycan və Rusiya kənd təsərrüfatı məhsulları hər iki ölkənin istehlakçılarına ən qısa müddətdə çatır, bu isə onların təravətini qorumağa imkan verir və alıcılar üçün daha cəlbedici edir.

Perspektivdə Bakı və Moskva birgə layihənin coğrafiyasını genişləndirməyi planlaşdırır. Əgər bu “Avrasiya Aqroexpresi” ilə inteqrasiya olunarsa, Azərbaycan Aİİ bazarında iştirakını artıracaqdır. O zaman İttifaq ölkələrində kənd təsərrüfatı məhsullarını almaq asan olacaqdır, bu da bizim ərzaq təhlükəsizliyimizi gücləndirəcəkdir.

Layihənin coğrafiyasının genişlənməsi ilə “Şimal-Cənub” BND üzrə yükdaşımaları da artacaqdır. Azərbaycanın Baş nazirinin müavini Şahin Mustafayevin sözlərinə görə, ölkəmiz bu layihənin inkişafı üzərində Rusiya ilə birgə işləməyə hazırdır ki, 2030-cu ilə qədər dəhlizin layihə gücü ildə 15 milyon ton yükə çatsın. Bu, Azərbaycan ərazisindən tranzit daşımaların artmasına, deməli, büdcə gəlirlərinin artmasına gətirib çıxaracaqdır.

Qarşılıqlı ticarətin fəal inkişafı bu sahədə yeni iş yerləri açır. Ümid edirik ki, Azərbaycanın rəhbərliyi qonşuları ilə əməkdaşlığın genişləndirilməsinə istiqamətlənmiş addımları davam edəcəkdir, o cümlədən Aİİ daxilində.