Çiçəklənməyə yol

“Sülh, əməkdaşlıq və çiçəklənmə yolunda” – bu şüar altında Vladivostokda VIII Şərq İqtisadi Forumu keçirilib. Uzaq Şərq Federal Universitetində 68 ölkədən 7000-dən çox qonaq olub. ŞİF-2023 çərçivəsində 90 tədbir və 400 çıxış olmuşdur. Keçən il forum iştirakçıları 3,27 trilyon rubl dəyərində 290-dan çox müqavilə imzalamışlar, ona görə də bu il də təsirli biznes nəticələr gözlənilir. Bundan əlavə forumda Azərbaycanla bağlı məsələlər də müzakirə olundu. Məhz hansılar – materialımızda oxuyun.

ŞİF-2023-ün bir neçə seksiyasında nəqliyyat və logistikanı müzakirə edirdilər. Məsələn, Asiya-Sakit Okean regionunda kənd təsərrüfatı ticarəti üçün yeni imkanlar haqqında panel müzakirəsində “Şimal-Cənub” beynəlxalq nəqliyyat dəhlizinin inkişafı haqqında danışıblar.

Bu transkontinental logistika arteriyasının qərb marşrutu Azərbaycandan keçir. Yaxın illərdə bu dəhlizlə ildə 15-30 milyon ton yük daşınacaqdır. Marşrut, respublika ərazisindən keçən digər nəqliyyat dəhlizləri arasında ən böyük yük axınına malik olacaqdır. Belə ki, Bakı-Tbilisi-Qars xətti ilə maksimum yükdaşıma cəmi 6,5 milyon ton təşkil edir.

Bu ilin ilk beş ayında Azərbaycan ərazisindən “Şimal-Cənub” BND ilə dəmir yolu daşımalarının həcmi 40 %-dən çox artaraq 4 milyon tona çatıb. Tranzit yükdaşımalarının artması dövlət büdcəsinə əlavə gəlir gətirir və burada yeni iş yerləri açan investorlar üçün ölkəmizin cəlbediciliyini artırır.

Aİİ və BRİKS haqqında sessiyada qonşu dövlətlərlə əməkdaşlığın genişləndirilməsi müzakirə edilib. Birliyin iştirakçıları ilə Azərbaycan fəal şəkildə əməkdaşlıq edir: yalnız 2022-ci ilin yekunları üzrə Aİİ ölkələri ilə ticarət dövriyyəmiz 31 %-dək artıb və 4,7 milyard dollara çatıb. Aİİ ölkələrinin Azərbaycanın xarici ticarət dövriyyəsindəki payı təxminən 9 % təşkil edib. Bu ilin yekun göstəriciləri daha yüksək olacaq: yalnız 2023-cü ilin yanvar-aprel aylarında qarşılıqlı ticarətin həcmi daha 38%-dək çoxalıb.

Ölkəmizin xəzinəsini doldurmağa elektrik enerjisinin satışı da kömək edəcəkdir. RF-nın energetika naziri Nikolay Şulqinov Moskvanın Tehran və Bakı ilə apardığı danışıqlar barədə məlumat verib. Tərəflər 300 MVt elektrik enerjisinin Azərbaycan vasitəsilə İrana ixracı imkanlarını müzakirə edirlər. Elektrik axını üçün mövcud elektrik xətlərindən istifadə edilməsi nəzərdə tutulur. Rusiya ilə İran arasında enerji körpüsünün reallaşdırılması Azərbaycana təkcə tranzitdən pul qazanmağa deyil, həm də öz elektrik enerjisinin ixracını artırmağa imkan verəcək.

ŞİF çərçivəsində Azərbaycanın Ermənistanla münasibətlərin normallaşması haqqında danışırdılar. Səkkizinci Şərq İqtisadi Forumunun plenar iclasında Rusiya Prezidenti V.Putin iştirak edib, hansı vurğulayıb ki,: “Burada deyiləcək heç bir şey yoxdur. Əgər Ermənistan özü etiraf edibdir ki, Qarabağ – Azərbaycanın tərkib hissəsidir… Ümid edirəm ki, Azərbaycan rəhbərliyi, bizə həmişə dedikləri kimi və indi də deyirlər, heç bir etnik təmizləmənin aparılmasında maraqlı deyil. Üstəlik, əksinə, bu prosesin yumşaq şəkildə baş verməsində maraqlıyıq”.

RF Baş nazirinin müavini Aleksey Overçuk, öz növbəsində, Cənubi Qafqazda nəqliyyat kommunikasiyalarının blokdan çıxarılmasına toxunub. Onun sözlərinə görə, Bakı və İrəvan arasında münasibətlərin kəskinləşməsinə baxmayaraq, üçtərəfli işçi qrupu danışıqları davam etdirir.