Dəmir yolu ilə sərnişin axını artacaq

“Azərbaycan Dəmir Yolları” Qapalı Səhmdar Cəmiyyəti koronavirus epidemiyasının yayılmasından əvvəl fəaliyyət göstərən marşrut xətləri üzrə dəmir yolu ilə sərnişindaşımaların bərpası üçün plan hazırlayıb. O, növbəti üç il üçün nəzərdə tutulub və sərnişin axınının mərhələli şəkildə bərpasını nəzərdə tutur.

“Azərbaycan Dəmir Yolları” QSC-nin sədri Rövşən Rüstəmov bildirib ki, hazırda Qarabağ bölgəsində Bərdə və Ağdamda infrastruktur layihələri yekunlaşmaq üzrədir. Həmçinin 110,4 km uzunluğunda Horadiz-Ağbənd dəmir yolu xəttinin tikintisi üzrə işlər 45% hazırdır və 2025-ci ildə tam başa çatdırılacaqdır.