Daha bir zəlzələ qeydə alınıb

Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin mütəxəssisləri Lerik rayonunda 3,6 bal gücündə zəlzələnin qeydə alındığını bildiriblər. Onun mənbəyi Lənkəran stansiyasından 23 km qərbdə, 19 km dərinlikdə yerləşir.

Keçən həftə seysmoloqlar eyni anda iki belə zəlzələ barədə məlumat vermişdilər. Birincisi oktyabrın 12-də Lənkəran rayonunda baş verib və yeraltı təkanların mənbəyi 12 km dərinlikdə olub.