Daşqından zərər çəkən fermerlər kompensasiya alacaqlar

Azərbaycan Kənd Təsərrüfatı Sığorta Fondu ölkə ərazisində yağan leysan yağışları və daşqınlarla əlaqədar fermerləri sığorta hadisələri ilə bağlı məlumat verməyə çağırıb. Təbii hadisələr nəticəsində zərər çəkmiş sığortalı təsərrüfatlara kompensasiya ödəniləcək.

Ərizə doldurulduqdan sonra kənd təsərrüfatı sığortası mütəxəssisləri əraziyə gələrək, dəymiş ziyanı qiymətləndirəcək və sonradan fond tərəfindən ödəniləcək. Hazırda fondun mütəxəssisləri və kənd təsərrüfatı sığortası üzrə ekspertlər artıq Azərbaycanın müxtəlif bölgələrində sığorta hadisələrinin qeydiyyatını aparırlar.