Döş xərçəngi – gənclərin diaqnozu

Bakıda keçirilən Döş Xərçəngi üzrə II Beynəlxalq Konqres zamanı qorxulu statistik məlumatlar təqdim edilib: təkcə ötən il 2 mindən çox azərbaycanlı qadında süd vəzi xərçəngi aşkarlanıb. Xəstəlik getdikcə genişlənir və xəstələrin yaşı azalmağa davam edir.

Mütəxəssislər xəstəliyin erkən mərhələdə müəyyən edilməsinin nə qədər vacib olduğunu qeyd edirlər. Eyni zamanda, hazırda ölkədə cəmi 31 mamoqraf və 11 MRT aparatı var.

Statistikaya əsasən, 2022-ci ildə ölkəmizdə 8305 nəfər xərçəng xəstəliyindən dünyasını dəyişib, onlardan 1121 nəfəri süd vəzisi xərçəngindən dünyasını dəyişib.