Dostluq qazananda

Belarusiyanın paytaxtında Müstəqil Dövlətlər Birliyi ölkələrinin II Oyunları başa çatıb. Miqyaslı idman yarışlarına Minskə 22 ölkədən, o cümlədən Azərbaycandan, 2 mindən çox iştirakçı gəlib. İdmançılar 20 növ üzrə medallar uğrunda mübarizə aparıblar. Komandamızın nəticələri haqqında məqalədə danışırıq.

MDB ölkələrinin II Oyunları Belarusiyada keçib, növbəti oyunları isə Azərbaycan qəbul edəcəkdir. Üçüncü turnir 2025-ci ildə Gəncədə keçiriləcəkdir. “Azərbaycanda hər cür şərait və müvafiq infrastruktura, keyfiyyətli kadr potensialı yaradılıb. Əminəm ki, biz də Oyunları ən yüksək səviyyədə keçirəcəyik”, – Minskdə turnirdə iştirak edən Azərbaycanın baş nazirinin müavini Şahin Mustafayev bildirib.

Bu il Azərbaycan nümayəndə heyəti 16 idman növü üzrə yarışan 117 idmançıdan ibarət olub. Bizim komandamız 62 medal qazanıb və ümumi komanda hesabında dördüncü yeri tutub.

Avrasiya məkanında ən böyük idman yarışlarında yalnız MDB ölkələrindən atletlər deyil, həm də Birliyə daxil olmayan dövlətlərin nümayəndələri iştirak edirdilər. Oyunlarda ədalətli rəqabət atmosferi hökm sürürdü. “Bərabər mübarizə gedirdi, hər dəfə güclülər qalib gəlirdi”, – Şahin Mustafayev qeyd edib.

28 sentyabr 2018-ci ildə Düşənbədə turnirin təşəbbüskarları göstərmək istəyirdilər ki, əsl idman dövlətlər arasında sərhədlərdən üstündür, onda siyasət və diskriminasiya olmamalıdır. Üç ildən sonra Kazanda ilk yarışlar keçib, hansında ki, 1,5 mindən çox idmançı və idman təşkilatlarının nümayəndələri, o cümlədən Azərbaycandan 183 nəfər iştirak edib. I Oyunlarda bizim komandamız 60-a yaxın medal alıb və medal sıralamasında dördüncü yeri tutub.