Dövrün səsi

17 Avq, 2023 | admin | Mədəniyyət

Bu gün Müslüm Maqomayevin anadan olmasının növbəti ildönümüdür. Unikal baritona və müxtəlif yönlü istedada malik olaraq, o, milyonların kumiri idi.

Azərbaycanın ümummilli lideri Heydər Əliyev Maqomayevi musiqi incəsənətinin canlı əfsanəsi adlandırırdı. Moskvaya eşq elanı hələ də bu şəhərin deyilməyən himni sayılan bakılı hər iki ölkənin mədəniyyətində böyük iz qoyub. Bu gün həm Azərbaycanda, həm də Rusiyada tanınmış müğənninin xatirəsini ehtiramla yad edirlər.

2009-cu ildə Bakıda Fəxri Xiyabanda müğənninin abidəsi qoyulub. Onun üçün ağ mərməri Uraldan gətiriblər. 11 ildən sonra Azərbaycan prezidenti İlham Əliyev paytaxtda – Dənizkənarı bulvarda Müslüm Maqomayevin daha bir abidəsinin açılışı haqqında sərəncam verib.

İfaçının büstü Rusiyada də var – iki il bundan əvvəl Nərimanovda (Həştərxan vilayəti) qoyublar.

Maqomayevin adını Bakının tarixi rayonunda küçə daşıyır, Rusiyada isə Moskvanın mərkəzindəki bağçaya müğənninin adı verilib. 2009-cu ildə Moskva vilayətindəki “Krokus Siti” Ticarət və Sərgi Mərkəzində konsert salonlarından birinə əfsanəvi müğənninin adı verilib. Onun foyesində artistə həsr olunmuş unikal bir muzey var. Muzey ziyarətçilərini Maqomayevin sağ olduğu zamanlar musiqi ifa etdiyi böyük ağ piano qarşılayır.

Azərbaycanda və RF-da hər il Müslüm Maqomayevin xatirəsinə həsr olunmuş konsertlər keçirilir. Bu il Moskvada yaradıcılıq gecəsi 29 sentyabrda keçiriləcəkdir. Bundan əlavə, Rusiyada müğənninin mədəni və musiqi irsi fondu fəaliyyət göstərir. 2012-ci ildə o, RF-nın dövlət musiqi ali təhsil müəssisələrinin tələbələri üçün adlı təqaüd təsis edib.

Rusiyada məşhur həmyerlimiz haqqında filmlər çəkirlər. 2020-ci ildə Birinci Kanal Müslüm Maqomayev və rus opera divası Tamara Sinyavskayanın sevgi hekayəsi haqqında bioqrafik serial buraxıb. Sovet səhnəsinin əfsanəsini aktyor Miloş Bikoviç oynayıb.