Əhali üçün pulsuz dərman preparatları

Bu ildən Azərbaycan vətəndaşları icbari tibbi sığorta sistemi çərçivəsində ambulator müalicə üçün pulsuz dərman alacaqlar. Layihə növbəti üç il ərzində həyata keçiriləcək. Bu il ürək-damar xəstəliklərinin, gələn ildən həzm sisteminin, üçüncü ildə isə tənəffüs sisteminin müalicəsi üçün dərmanlar pulsuz olacaq. Dərmanlar həkim resepti ilə apteklərdə veriləcək.

İcbari Tibbi Sığorta üzrə Dövlət Agentliyindən bildirilib ki, hazırda stasionar müalicə üçün dərman çatışmazlığı yoxdur. Ötən il dövlət tibb müəssisələrinin dərman vasitələri ilə təminatına 120 milyon manat vəsait ayrılıb ki, bu da 2019-cu illə müqayisədə təxminən 3 dəfə çoxdur.