Ələt-Astara yolu təmir olunacaq

Azərbaycan Prezidenti İlham Əliyev Ələt-Astara avtomobil yolunun dövlət sərhədinə qədər olan hissəsinin əsaslı təmiri üçün vəsaitin ayrılmasına razılıq verib. Birinci mərhələdə Avtomobil Yolları Dövlət Agentliyinə 7 milyon manat ayrılacaq.

Bu, dövlət başçısının rəsmi sərəncamında göstərilir. Söhbət 217 kilometrdən 243 kilometrə qədər olan hissədən gedir. Əsaslı işlərin görülməsi üçün tələb olunan məbləğ 2023-cü il dövlət büdcəsində nəzərdə tutulmuş Azərbaycan Prezidentinin Ehtiyat Fondundan ayrılacaq.