Ət ƏDV-siz satışı

Ölkənin Vergi Məcəlləsinə heyvan və quş ətinin satışının vergidən azad edilməsinin 2027-ci il yanvarın 1-dək uzadılması ilə bağlı dəyişiklik edilib. Bu vergi güzəşti Azərbaycanda ilk dəfə 2020-ci il yanvarın 1-dən tətbiq edilib. Hazırda ölkədə ƏDV dərəcəsi 18% təşkil edir.

Bu arada Azərbaycanın Qida Təhlükəsizliyi Agentliyi 2024-cü il yanvarın 1-dək xüsusi risk qrupuna aid olan və baytarlıq nəzarəti tələb edən qida məhsullarının ölkəyə idxalına icazə almamış idxal şirkətlərinə məhdudiyyət tətbiq edib. Bunlara mal əti, quş əti, balıq, dəniz məhsulları, balıq konservləri, süd məhsulları və heyvan yemi kimi istifadə olunan məhsullar daxildir.